ل ڕۆژا دووشەمبێ ڕێکەفتی 06/09/2021 ل ھۆڵا کۆنفرانسا فەکۆلتیا زانست_زانکۆیا زاخۆ، ب ئامادەبوونا ھەر ئێك ژ بەڕێزان (پ.د.ناظم سلیمان عبدالعزیز) سەرۆکێ زانکۆیا زاخۆ، و بەڕێز (د.کاروان فەھمی سامی) ھاریکارێ سەرۆکێ زانکۆیێ بۆ کاروبارێن قوتابییان، ھەروەسا مێھڤانداریا بەڕێز (عەلی عەونی) بەرپرسێ (لقێ٨) یا پارتی دیموکراتی کوردستان ، ئێکەم ڕۆژ ژ ھەلمەتا ھوشیاریێ ژ ماددەیێ بێھوشکەر ل زانکۆیا زاخۆ و ل ژێر دروشمێ (خۆ پاراستن ژ ماددەیێن بێھوشکەر ئەرکەکێ نیشتیمانی و نەتەوەیی یە) ب شێوەیێ (دیبەیت) ب ڕێڤەچوو.

دیبەیت ژ لایێ ھەرئێك ژ بەڕێزان (د.شاکر عبدالرحمان) ڕێڤەبەرێ گشتیێ ساخلەمیا زاخۆ، پێشره‌و ( نەهشەت سەلمان) رێڤەبەرێ راگەھاندنا پۆلیسێن زاخۆ، ھەروەسا بەڕێز (د.نزار عسمەت) ماموستایێ دەروونناسی ل زانکۆیا زاخۆ ب ئاماده‌بوونا ڕێژه‌یه‌كا زۆر يا قوتابى و ماموستا و كه‌سایه‌تیێن دیار ھاتە پێشکێشکرن، و چەندین خالێن گرنگ و ھوشیاریێ دەربارەی مەترسیا ماددەیێن بێھوشکەر بۆ قوتابیێن زانکۆیا زاخۆ ھاتنە نیشاندان. 

ئەڤ ھەلمەتا ھوشیاریێ ژ ماددەیێن بێھوشکەر ژ لایێ ئێکەتیا قوتابیێن کوردستانێ لقێ زاخۆ ھاتیە ڕێکخستن، وەسا بڕیارە بۆ قوتابیێن باژێرێ زاخۆ ل (زانکۆ، پەیمانگەھ، قوتابخانان) بۆ ماوەیێ ئێك حەفتیێ بەردەوامبیت.