پشتى هه‌لسه‌نگاندنا هه‌مه‌لایه‌نى یا (یاسایا بنه‌مایێن یه‌كسانكرنا باوه‌رنامان) كو ل رێكه‌ڤتى 28/10/2020 ژ لایێ ئه‌نجومه‌نێ نوێنه‌رانێن عیراقێ ده‌نگ لسه‌ر هاتبوو دان، وه‌زاره‌تا خواندنا بلند و ڤه‌كۆلینێن زانستى یا حكومه‌تا هه‌رێما كوردستانێ ئه‌و یاسایه‌ ره‌دكریه‌ و پشته‌ڤانیا هه‌لوێستێ وه‌زاره‌تا خواندنا بلند و ڤه‌كۆلینێن زانستى یا حكومه‌تا فیدرال و كۆمه‌لگه‌ها ئه‌كادیمى یا كوردستان و عیراقێ دكه‌ت.

ئه‌ڤه‌ ژی بۆ ڤێ ژه‌ندێ دزڤریت، كو ناڤه‌رۆكا وێ یاسایێ پێچه‌وانه‌ى به‌ها و بنه‌مایێن زانستىێن یه‌كسانكرنا ئه‌وێ باوه‌رنامێ یه‌ ئه‌وا ژده‌رڤه‌ى وه‌لاتى بده‌ستڤه‌ دئینیت،

د ئه‌ڤێ یاسایێ دا كۆمه‌له‌كا پێوه‌رێن زانستى یێن گرنگ د پرۆسا یه‌كسانكرنا باوه‌رناماندا یێن هاتینه‌ فه‌رامۆشكرن.

ژبه‌ر ئه‌ڤێ یه‌كێ وه‌زاره‌تا خواندنا بلند و ڤه‌كۆلینێن زانستى یا حكومه‌تا هه‌رێما كوردستانێ داوایێ ژ سه‌رۆكێ كۆمارا عیراقێ دكه‌ت ئه‌ڤێ یاسایێ ب ئه‌ڤێ فۆرما نهۆڤه‌ په‌سه‌ند نه‌كه‌ت.