ل ڕۆژا ئێکشەمبێ ڕێکەفتی (٢٠٢٠/١١/٨) پشکێن نافخۆی دێ هێنە دابەشکرن بۆ قوتابیێن کچ و کور یێن قوناغا دووێ و سیێ و چوارێ ب شێوێ ل خوارێ دیارکری:
ـ بتنێ قوتابیێن ڤان بەش و دەڤەران مافێ وەرگرتنا پشکێن نافخۆی هەنە، ئەوژی:
فەکولتیا زانست و پەروەردا وەرزشی و زانستێن گشتی و ئەندازیاری و پزیشکی بتنێ ئەوێن د حەفتییەکێ دا پتر ژ دوو ڕوژان دەوام دکەن، ل گورەی خشتێ وانێن وان ئەوێن ژ ڕاگریا گەهشتینە مە ب مەرجەکێ جهێ ئاکنجیبوونا وان بکەڤنە دەڤەرێن (زرێزە، زاویتە، باعەدرێ، سحێلا، تلسقف) و دویرتر زێدەباری قوتابیێن ئاکنجی ل پارێزگەهێن (میسل و هەولێر و سلێمانی و حەلەبچە).
ـ بەلگەنامێن پێدڤی:
١ـ دوو وێنەیێن ڕەنگا و ڕەنگ.
٢ـ کوپیا کارتا زانیاری و کارتا نیشتیمانی یان ڕەگەزناما عێراقی.
٣ـ پەسەندا تۆمارا فەکولتیێ یان کۆلیژێ.
٤ـ پسولا تامیناتا ب بهایێ (٢٥٠٠٠) بیست و پێنچ هزار دیناران ژ ڕێڤەبەریا پشکێن نافخوی.
٥ـ پسولا کریا پشکێن نافخوی ژ ژمێریاریا فەکولتیێ یان کۆلیژێ ب بهایێ (٥٠٠٠٠) پێنچی هزار دیناران بۆ قوتابیێن سپێدەهیان و ب بهایێ (١٥٠٠٠٠) سەدو پێنچی هزار دیناران بۆ قۆتابیێن پارالیل و ئێڤاران.
ـ تێبینێ و ڕێنما:
١ـ هەر ژورەکێ ب تنێ دوو قوتابی دێ هێنە حەواندن.
٢ـ قوتابیێن هەمان بەشێن خواندنێ دێ ل هەمان مەمەر هێنە ئاکنجی کرن.
٣ـ بشێوەیەکێ پشکنین بۆ هەمی قوتابیان هێنە ئەنجامدان.
٤ـ هەر قوتابییەکێ نیشانێن کۆرۆنایێ لسەر دیاربن دێ هێنە رەوانەکرن بۆ نەخوشخانێ و گەرەنتین کرن.
٥ـ هەر قوتابییەکێ نە پێگیر ب ڕێنمایێن ساخلەمیێ ئەوێن دهێنەڕاگەهاندن ژلایێ ڕێڤەبەریا ساخلەمیا زانکۆیێ و پشکێن نافخۆی دێ هێنە دەرکرن بۆ پاراستنا قوتابیێن دی ئەوێن ئاکنجی ل پشکێن نافخۆی.