ڕۆژا سێشەمبی ڕێککەفتی (٢٠٢٣/٣/٦) کۆلیژا ئەندازیاری ل زانکۆیا زاخۆ ب چاڤدێریا بەرێز (د.ناظم سليمان عبدالعزيز) سەرۆکێ زانکۆیا زاخۆ و پشتەڤیانییا ڕاستەوخۆ یا سەرپەرشتێ ئیدارا سەربەخۆیا زاخۆ، ڕابوون ب ساخکرنا ڕۆژا جیهانییا ئەندازیاری ب چەند چالاکییان.
د دەستپێکا ڕێورەسماندا پەیڤا بخێرهاتنێ هاتە خواندن و پاشان پەیڤەک ژلایێ بەرێز (پ.د. یاسین طه مصطفی) هاریکارێ سەرۆکێ زانکۆیێ بۆ کاروبارێن زانستی و خواندنا بلند هاتە پێشکێشکر و تێدا باس ل گرنگیا ئەڤێ ڕۆژێ و پشکا ئەندازیاری کر و دەستخۆشی ل ڕێکخەرێن ئەڤێ چاڵاکیێ کر.
هەژیە بێژین؛ ئەڤ چالاکیە ب سەرپەرشتیا بەرێز (د. محمود اسماعیل) و ژ ڕێکخستنا ماموستا (دیمن زوهێر سامی) و ماموستا (عبدالسلام محمد علی) بوویە و ئێکەمین جارە ل سەر ئاستێ زانکۆیێن هەرێما کوردستانێ زانکۆیا زاخۆ ئەڤێ ڕۆژێ ساخ دکەت ب ئامادەبوونا کەرتێ حکومی و تایبەت، هەروەسا چەندین جهێن پەیوەندیدار تێدا و کومپانیان ژوان: (UB Holding) و (لوڤان) و (شەڤیار) و ستاف و ماموستا و قوتابیێن پشکا ئەندازیاری.
سمینارەک ژلایێ قوتابیێن پشکێ ڤە هاتە پێشکێشکرن، پاشان مێهڤانێن پەنەڵی هاتنە گازیکرن ئەوژی بەرێزان ئەندازیار (هێژا محمد توفیق) ژ ئیدارا سەربەخۆیا زاخۆ و ماموستا (دلشاد عبدالرحمن) ژ ژینگەها دهۆکێ و ماموستا (د. محمود عبد یوسف) ماموستا ل پشکا ئەندازیاریا شارستانی و ژینگەهێ و (د. محمود اسماعیل) ماموستا ل پشکا ئەندازیاریا میکانیک و (عبدالسلام محمد علی) ماموستا ل پشکا ئەندازیاریا پترول و (دیمن زوهێر سامی) ماموستا ل پشکا ئەندازیاریا شارستانی و ژینگەهێ بۆ پێشکێشکرنا پەنەڵی.
بەرێزان هەر ئێک ل دویڤ بسپوریا خۆ بابەت ب درێژی بۆ ئامادەبوویان شرۆڤەکرن و چەندین خالێن گرنگ بۆ پاشەرۆژا قوتابی و ئەندازیاری دانە دیارکرن.
ل دوماهیێ پرۆژێن قوتابیێن پشکێ هاتنە نیشاندان و برگەکا هونەری ژلایێ پەیمانگەها (ڤیا) یا تایبەت ل باژێرێ زاخۆ هاتبوو ئامادەکرن، ئەوژی بەرهەڤکرنا شریناهیان و گوروپەکێ موزیکێ، بۆ پتر ب ڕەوشکرنا چاڵاکیێ.
ب ناڤێ کۆلیژا ئەندازیاری سوپاسی و پێزانینێن خۆ ئاراستەی بەرێز (بەنستان عصمت دينو) سەرۆکی پەیمانگەها (ڤیا) یا تایبەت دکەین بۆ هاریکاری و پشتەڤانیا وان بۆ چاڵاکیا مە.