ڕۆژا چارشەمبی ڕێککەفتی (٢٠٢٣/٣/١) شاندەک ژ زانکۆیا زاخۆ، کۆ پێکهاتبوون ژ بەرێزان (د. ناظم سلیمان عبدالعزيز) سەرۆكێ زانكۆیا زاخۆ و (د.عثمان عبدالكريم عمر) ڕاگرێ كۆلیژا پەروەردا بنیات و (د.نزار عصمت علی) ڕێڤەبەرێ پەیوەندیێن ناڤدەولەتی ل زانكۆیا زاخۆ پشكداری کرن د یەكەمین كومبوونا پڕۆژێ (TeachersMOD).
هەژیە بێژین ئەڤ كومببوونە بۆ ماوێ دوو ڕۆژان (١-٢٠٢٣/٣/٢) ل زانكۆیا دهۆك بڕێڤەچوو. ئەڤ پڕۆژە دێ ب هەڤپشکیا (٥) زانكۆیێن كوردستانێ و دگەل (٣) زانكۆیێن ئەوروپی و ڕێكخراوا (UNIMED) بیت، مەرەم ژ ئەڤی پڕۆگرامی بلندكرنا ئاستێ ماموستایێن كۆلیژا پەروەردا بنیات و پێداچوونا پڕۆگرامێن وان بەشێن دهێنە خاندن د كۆلیژا ناڤبریدا. بریارە كومبوونێن دیتر ل هەر ئێك ژ زانكۆیێن پشکدار یێن كوردستانێ و ئەوروپا بهێنە ئەنجام دان. د ڕۆژا ئێكێ دا سمینارەك هاتە پێشكێشكرن ژلایێ (د.نزار عصمت علی) ڕێڤەبەرێ پەیوەندیێن ناڤدەولەتی و د ڕۆژا دوویێ دا سمینارەك هاتە پێشكێشكرن ژلایێ (د.عثمان عبدالكريم عمر) ڕاگرێ كۆلیژا پەروەردا بنیات.