خۆلا پێداگۆجى (راوه‌ندێ 5) ل زانكۆیا زاخو ده‌ستپێكر

Wednesday, 15 December 2021

ل رۆژا دووشه‌مبى 13/12/2021 ، لده‌مژمێر (2:00) پشتى نیڤرو، و ب ئاماده‌بوونا رێڤه‌به‌رێ سه‌نته‌رێ پێداگۆجى (پ.ه.د. ستار جبار حاجی) و مامۆستایێن خۆلێ، هه‌ر ئێك ژ به‌رێزان (د. رمضان جعفر مصطفى)، و(م.م. شلێر مصطفى محمد)، و (م.م. عیدی سعید كجل)، هه‌روه‌سا فه‌رمانبه‌رێن سه‌نته‌رى، خۆلا پێداگۆجى (راوه‌ندێ 5) ل زانكۆیا زاخو ده‌ستپێكر، و لده‌ستپێكا خۆلێ بخێرهاتنا هه‌مى به‌شداربوویان هاته‌ كرن، و لدویف رێنماێن وه‌زاره‌تا خواندنا بلند و ڤه‌كولینێن زانستى، رۆژا ئێكێ هاته‌ ته‌رخانكرن بۆ دیاركرنا رێنمایێن خۆلێ بۆ به‌شداربوویان. 

خۆلا پێداگۆجى بگشتى ژ  (6) مۆدیولان پێكدهێن،  ئه‌وژى مۆدیولێن: (ICT, Student centered learning, Innovative Pedagogical Approach, Research and Development, Competence Based Education, Edupreneuership module ) ، هه‌ژى گوتنێ یه‌ كۆ خۆل بۆ ماوێ شه‌ش هه‌یڤان یا به‌رده‌وام بوو. و لدویف رێنمایان خۆلێ هه‌مى دێ ل زانكۆیى بیت(On campus)،  و دڤێ خۆلێ دا (21) پشكدار د به‌شدارن ژ تایبه‌تمه‌ندى و پسپۆرى و زانكۆیێن جودا، هه‌روه‌سا وه‌زاره‌تا په‌روه‌ردێ.

ل دویماهیێ ڕێڤه‌به‌رێ سه‌نته‌رێ پێداگۆجى و ستافىً پێداگۆجى  و داخوازا سه‌ركه‌فتنێ بۆ هه‌مى به‌شداربوویان خواست.