پشتى بۆرینا چه‌ندین كۆمبوون و بریارێن وه‌زاره‌تێ ئه‌ڤرۆ ڕۆژا دووشه‌مبێ  ڕێكه‌ڤتى (04/05/2020) وه‌زیرێ خواندنا بلند و ڤه‌كۆلینێن زانستى د داخویانه‌كێدا ئاماژه‌ ب باشبوونا ڕه‌وشا ته‌ندروستیا هه‌رێما كوردستانێ كر، بگۆره‌ى راپۆرتا وه‌زاره‌تا ته‌ندروستییا حكومه‌تا هه‌رێما كوردستانێ  ئه‌وا ئاراسته‌ى وه‌زاره‌تا خواندنا بلند و ڤه‌كۆلینێن زانستى كرى، وه‌زاره‌تا خواندنا بلند ژی د پلانێن خۆدا ئه‌گه‌ر ره‌وش ب ئه‌ڤى ئاوایى باش بیت بنیازن پشتى (16/05/2020) خواندنا ئاسایى  لناڤ كه‌مپسێ ل هه‌مى زانكۆیێن هه‌رێما كوردستانێ ده‌ستپێبكه‌ت. ئه‌گه‌ر هه‌ر چ گرفته‌كه‌ دى یا ته‌ندروستى روونه‌ده‌ت ئه‌وا قۆناغ ب قۆناغ ژیانا زانكۆیێ دێ به‌ره‌ڤ ئاسایبوونێ بیت.

گرنگه‌ بێژین، كو وه‌زیرێ خواندنا بلند ئاماژه‌ ب وێ یه‌كێ ژی دا ژ بۆ وێ مه‌ره‌مێ وه‌زاره‌تا خواندنا بلند دێ كۆمبونه‌كا ئێكلایكرنێ ئه‌نجامده‌ت ژبۆ ڤى باردۆخى.