سه‌نته‌رێ ڕاهێنانا پێداگۆجى و په‌ره‌پێدانا ئه‌كادیمى كۆمبوونه‌كا گرنگ لگه‌ل سه‌رۆكێ زانكۆیا زاخۆ ئه‌نجامدا

Tuesday, 5 May 2020

ل رِۆژا دووشه‌مبى ڕێكه‌فتى (04/5/2020)  ب ئاماده‌بوونا ڕێزدار پرۆفیسۆر دكتۆر( لزگین عبدى جمیل) سه‌رۆكێ زانكۆیا زاخۆ، و به‌رێز پرۆفیسۆرێ هاریكار دكتۆر (ستار جبار حاجی) ڕێڤه‌به‌رێ سه‌نته‌رێ ڕاهێنانا پێداگۆجى و په‌ره‌پێدانا ئه‌كادیمى، و به‌ڕێزان ستافێ پێداگۆجى یێ مۆدیولێ (Research & Development) كۆ پێك هاتبوو ژ به‌رێزان (پ. د. حسین أحمد) ژ زانكۆیا نه‌ورۆز، دكتۆر (رزگار مسته‌فا) و (پ.ه.د. محمد إبراهیم) ژ زانكۆیا دهۆك، و مامۆستاییێن هاریكار (عيدی سعید) و (شلێر احمد) ژ زانكۆیا زاخۆ؛ ب شێوێ ئونلاین خۆلا پێداگۆجى دووباره‌ ده‌ستپێكره‌ڤه‌ پشتى هاتییه‌ راوه‌ستاندن ژبه‌ر په‌تایا (كورونا) یێ. 

لده‌ستپێكێ به‌رێز رێڤه‌به‌رێ سه‌نته‌رى بناڤێ ستافێ پێداگۆجى و پشكدارێن خۆلێ بخێرهاتنا ڕێزدار پرۆفیسۆر دكتۆر( لزگین عبدى جمیل) سه‌رۆكێ زانكۆیێ كر، وسوپاسیا پشته‌ڤانیا جه‌نابى وى كر و دویڤچوونا به‌رده‌وام یا جه‌نابێ وى هه‌روه‌سا یا هاریكارى سه‌رۆكێ زانكۆیێ بۆ كاروبارێن زانستى به‌رێز (پ.د. یاسین طه مصطفى) بۆ خۆلا پێداگۆجى، و ژ جه‌نابێ سه‌رۆكێ زانكۆیێ خواست كۆ په‌یڤه‌كێ ئاراسته‌ى مامۆستا و پشكدارێن خۆلێ بكه‌ت، ڕێزدار سه‌رۆكێ زانكۆیێ بخێرهاتنا مامۆستا وپشكدارێن خۆلێ كر و داخوازا له‌ش ساخیێ و سلامه‌تیێ بۆ وان ومالباتێن وان خوازت، پاشى كورته‌ په‌یڤه‌ك ده‌رباره‌ى ره‌وشا جیهانێ ب گشتى و هه‌رێما كوردستانێ ب تایبه‌تى ده‌رباره‌ى ڤایروسێ كورونا كۆ خۆلا ناڤبرى هه‌ر ژ به‌ر ڤى ئه‌گه‌رى راوه‌ستاتبوو، ب خۆشحالیڤه‌ خۆلا پێداگۆجى ژ وان بابه‌تان بوو كۆ ژ لایێ جه‌نابێ وى ڤه‌ ل جڤاتا وه‌زاره‌تێ هاتبوو به‌حسكرن.

ژ لایه‌كێ دیتر دكتورى ئاماژه‌ ب پرۆسێسا خواندنا ئونلاین كر ل زانكۆیێن هه‌رێمێ، و گرنگیا وان بابه‌تێن د خۆلا پێداگۆجى دهێنه‌ وه‌رگرتن بۆ پشكداران دیار كر، تایبه‌ت پشتى ستافه‌كێ مامۆستایێن زانكۆیین هه‌رێكێ بشێوه‌كێ پورفیشینال هاتیینه‌ ڕاهێنانكرن ل وه‌لاتێ فینلندا، و ل دویماهیێ سه‌رۆكێ زانكۆیێ پشته‌ڤانیا خۆه‌ دیار كر بۆ خۆلا پێداگۆجى و مامۆستایێن خۆلێ و دخوازا سه‌ركه‌فتنێ بۆ هه‌ر لایه‌كێ خواست.